22 студзеня 2025 года РУП "Белэнергасеткапраект" прымала ўдзел у форуме "Атамная энергетыка: новыя магчымасці для інавацыйнага развіцця нацыянальнай эканомікі", які прайшоў на пляцоўцы выставы "Мая Беларусь". Мы ганарымся тым, што можам прадстаўляць наш інстытут і дзяліцца досведам на такіх значных пляцоўках.

Дырэктар Аляксей Гарош расказваў аб распрацоўцы лічбавых інфармацыйных мадэляў электратэхнічнага абсталявання і будаўнічых канструкцый у рамках круглага стала "Мірны атам і тэхналагічная трансфармацыя: ад укаранення найноўшых тэхналогій да вытворчасці высокатэхналагічнай прадукцыі". Гэта цікавая тэма і важны крок да цыфравізацыі энергетычнай галіны, які пашырае і гарызонты нашай працы!

На мерапрыемстве абмяркоўваліся актуальныя тэмы, такія як асноўныя напрамкі лічбавай трансфармацыі энергасістэмы, ядзерная бяспека, развіццё электратранспарту і шмат іншага. Удзел намесніка міністра энергетыкі Дзяніса Равільевіча Мароза падкрэсліваў значнасць гэтай падзеі для галіны.

Асобна варта адзначыць, што Аляксей Уладзіміравіч не толькі кіраўнік, але і "гуляючы трэнер"! І разумее, якое гэта – прадстаўляць сваю працу і дзяліцца ведамі (бо выступаць на публіцы хвалююча для большасці інжынераў). Але яго досвед і прафесіяналізм натхнілі не толькі нашых супрацоўнікаў, але і ўсіх удзельнікаў форума!