ЗВЯРТАЕМ ВАШУ ЎВАГУ!

Законам Рэспублікі Беларусь ад 28.06.2022 № 176-з «Аб змяненні Закона Рэспублікі Беларусь «Аб зваротах грамадзян і юрыдычных асоб» унесены змяненні ў парадак падачы электронных зваротаў.

Пачынаючы з 2 студзеня 2023 года заяўнікі абавязаны ўносіць электронныя звароты ў дзяржаўныя органы і іншыя дзяржаўныя арганізацыі праз Дзяржаўную адзіную (інтэграваную) рэспубліканскую інфармацыйную сістэму ўліку і апрацоўкі зваротаў грамадзян і юрыдычных асоб. Прадастаўленне дзяржаўным органам і іншым дзяржаўным арганізацыям, а таксама заяўнікам доступу да сістэмы ўліку і апрацоўкі зваротаў ажыццяўляецца бясплатна.

На электронны зварот будзе дадзены пісьмовы адказ (накіравана пісьмовае паведамленне) у выпадку, калі заяўнік у сваім электронным звароце просіць накіраваць пісьмовы адказ.